كيف بدك تطفشي عريس اهلك بدهم اياه وانتي ما بدك اياه

1لا تظهري لأهلك عدم الرضا ... وتظاهري انك موافقة عشان تعرفي تكملي الخطة
-2 أهم شيء بالخطة من يوم ما تسمعي بالعريس لحد ما ييجي اوعي تتحممي .. ولا تهتمي بجمالك وتنسيش تفرمي بصل كتير واذا في ثومة خيييير وبركة ..طبعا انتي عم بتساعدي ماما ما حد رح يحكي معك. واذا عندك قدرة تمضغيلك درسين ثومة للفائدة بيكون احسن فالثوم مفيد جدا هههههه
- 3 طبعا اليوم اهل العريس بدهم ييجو يشوفوا (قمر الزمان) عشان هيك قمرالزمان لازم تضل نايمة لقبل الموعد بساعة (عشان وجهها يتريح وما يبين انه تعبان) وهيك بتكوني ضيعتي على اهلك فرصة انهم يكشفوكي وبنفس الوقت بتصحي مو فايقة وشكلك ملخبط يعني عصفورين بحجر واحد.
- 4اهل العريس هلا اجو... سلمي على امو بكل برود باطراف اصابعك مع تكشيرة ...واعملي حالك قرفانة منها و شايفة حالك.... وقولي اوووووووووووف بوجهها مع رائحة الثوم يمكن يغمى عليها ههههه ... بعدها اسحبي حالك على غرفتك ... (عشان بدك تزبطي حالك بالمكياج ... )


و يلا نعرف خطوات احلى ميك ..... أب لهيك مناسبة :
*الكحلة : الكحلة جميلة جدا على العيون ... اتكحلي ... بس خلي الكحلة بعين اكتر من التانية.. وهيك بتضمني تكوني (حولة رسمي)

*كريم الاساس: ولوووو اكيد بدنا كريم اساس بس على الشفايف .. هيك ببين معك فقر دم

* الشادو : طبعا الشادو هو اللي بخبي البلاوي (وهو اللي ببينالبلاوي ) الشادو الاسود على العيون
و ثقلييييييييه (ولوو مش هيك الموديل؟؟) مع شادو اصفر على وجهك وهيييييييك ببين معك كوليرا .... هههههه و لازم تلبسي احلى موديل :مثلا... تنورة خضرا (لون الخير ) وبلوزة حمرا (لون الحب) و البسي شالة من سنة الف و تسعمية و ستة وخمسين خشبة و البابوج من العصر الحجري... تححححححفة
-5 روحي عالمطبخ عشان تعملي القهوة ... بس اوعك امك تنتبه واعملي قهوة زي الزفتة تقيلة ومرررررة واذا بتحطي شوية ملح بيكون احسن ويستحسن ملح انجليزي ههههههه..


-6 امشي بكل ثقة الى غرفة الضيوف واعتزي بنفسك... ولا ترتبكي(كل ما تكون ثقتك اكتر بتبيني انك خبيرة بهالامور) اعملي حالك شب ممكن تدفشي الباب برجلك او تقلبي كرسي او تحطي صينية القهوة بطريقة اقرب الى الرمي و اذا ترشقو قهوة مو مشكلة... وبدون لا سلام ولا كلام واطلعي مع تكشيرة واذا بتحكيلك كم كلمة تمتمة غير مفهومة ممتاز وبعد شوي بترجعي بطريقة مفاجئة ممكن تخبطي الباب وراكي بسرعة وبعدين احملي صينية القهوة لتقديمها لهم وهيك .... ببلش الفار يلعب بعب ابو العريس ... وبصير يسأل حاله : مدامها خبيرة هيك ليش اللي قبلنا طفشو؟!! بس الفار بعب الابو ما بكفي ... (لازم يكزدرلو شوي بعب العريس ابو الشباب) ههههاي امسكي القهوة ... اتفرجي بعيونه (واحولي عينيكي)...المسكين بكون وقع في الصدمة(من اول نظرة)هو طبعا من شدة الصدمة رح ينسى القهوة... ذكريه وقوليله بصوت واطي: " اي خلثنا يا ذلمة خذ فنذانك" هههههاي
( بس اوعي ابوكي ينتبه) وبعدين روحي لوالدة العريس وبصوت واطي ( خدي تسممي انشاء الله بتطفحيها ) وتبسمي وممكن تضحكي ضحكة جنونية حتى تستمري مسيطرة على نفسك وتقدري تكملي المشهد .. طبعا اطلعي هلا واتركي الرجال يحكو بالمهم

هلا ارجعي لام العريس اللي بدها تشوف جمال شعرك (هالمرة ما بدنا نعمل مقلب ... خليه حلو سشوريه و زبطيه) بسسسسسسسس اقعدي اهرشي و اهرشي و اهرشي قدامها ... تخيلي انه في حديقة حيوانات في راسك ... ههههههههههههههههههههههههه
اي مسكينة ام هالعريس اذا نفذتي هالخطوات مية بالمية باكدلك ...رح تسمعي كلمة : " يا الله " يلا يا ابو فلان ... وتسمعي صوت ابوكي بحكي للجماعة " شرفتونا" ... لانه الضيوف بدهم (يفلسعوا ) قبل ما ينبلو هيك بلوة منيلة هههههههه

ههههههههههههههههه

لك دمرتها للعروس وخربت بيتها

على كلن بهاي الحالة ازا البنات بيشتغلو على هاد النمط

ما رح يحلمو الشباب بالجيزة

ههههههههههههههههههه الله يسترنا

ههههههههههههههههههههههههههههههههه

يا
رامي
يا كبير

حراااااام عليك

هههههههههه
يسلمووو كتير حلوو

ههههههههههههه
يسلمو
بعرفها هالخلطة
مجربة

بس شوووو تحشيييش

بوجودك
ولو احنا ئلي منطفشهم
بالقتل هع

yslmoooooooooooooooo