دواويين الزرقا...!!!

هاي عليكم
كيفكم يا شباب واكيد صبايا ما بننسا حدا
المهم يا شباب كل ما حدا بجيب سيرة الزرقا الموجودة بالاردن بقولو دووين انا هلا بدي اعرفكم بمكان مكان بالزرقا وافرجيكم دووينهم
دواويين الزرقا...!!! Tooth0000

* حي الزواهرة(الزرقاء الغربية): من اهم الاحياء في الزرقاءو بطل على السيل في منظر خلاب...وبصراحة الحي هادي كتير وما صار في غير كم طوشة على كم جريمة قتل .....واهم جريمة لما انطعن واحد ابو 81 طعنة بس......وصدق او لاتصدق (مش فارقة معي) كتير مناح اهل المنطقة بصراحة وبحبو الضيوف .....ومرتبين دايمن ولابسين احلى اواعيهم......

*الجبل الابيض (الغربية):برضو بيطل على السيل ... والناس في مناح ومش دواوين في المررررة ...وما صار في ولا جريمة قتل....بس صار في طوش واهمها طوشة كبيرة - مش راح احكيلكم انها بين الدوايمة والخلايلة- بس ادخل فيها الجيش ومات كم واحد....والحمد لله الوضع مستتب.......وهي برضو منفذ من الاوتستراد....

*حي معصوم (الزرقاء الشرقية):صار هادا الحي يتحول الى مناطق الطنطات الموجودة في الزرقاء (ويلي راح نحكي عنها بعدين)....وقليلة المشاكل في هادا الحي ...واهم معالمو دوار معصوم ( زي دوار عبدون... ولكم اخو)......وفي كم بيت مش راح نحكي استخداماتهم ...عيب.....

*حي الحسين ( الشرقية):من احدى بؤر الدواوين.....قصدي المحترمين....وما في تجمع كبير لاحدى العائلات زي الزواهرة والجبل الابيض... مشان هيك ما بصير في طوش كتيرة .... حكيتلكم محترمين...... بس في 156987 دخلة(زاروبة)مشان هيك الشرطة مابتقدر تمسك حدا في ...خصوصا انو ربع سكان الزرقاء ساكنين فيه...مشان هيك مرات ببيعو مخدرات يوم الجمعة جنب الجامع.....محترمين........

* حي جناعة ( الشرقية): اخو لحي الحسين بس هون مافي شوارع كلو زواريب.....ولا ينصح بدخول الواحد بعد اذان المغرب.......

*المخيم(الشرقية):لاتعليق ...الكل بيعرفو

*الغويرية(الشرقية): بسموها شيكاغو الزرقاء......مش عارف ليش....بس اذا مش عارف وين رايح فيها ماتدخلها حتى لو الظهر ....هم صح الناس مناح وطيوبين....بس ممكن تروح فيها.....اهم شوارعها هو شارع الموت ويلي مات في اكتر من 4 اشخاص.....

بس مع هيك في عنا كم حي للطنطات او الهاي لايف

*ضاحية الاميرة هيا (الغربية):ما فيها مشاكل ومنطقة هادية واذا حب اهل الزواهرة يعملو طوشة بروحو عليها لقربها وبتسلو فيها شوي......

*الزرقاء الجديدة (الشرقية) : تعتبر اكبر تجمع للطنطات في الزرقاء واي واحد دواوين فيها بجلس وبيعطي لمعة لما يدخل على احدى الاحياء الاخرى...... اهم معالمها دوار البتراوي(احلى من دوار عبدون)....ودايما الشرطة موجودة هناك مشان الشبيبة بتخمس وتفحط.......

وعنا كم معلم سياحي: متل
*شارع السعادة ويمتد من المجمع القديم الى بنك الاسكان (اول حي الحسين)....

*قصر شبيب : دايما مسكر مشان اعمال الترميم.....بس يلي بشوفو من بره .... بعرف انو مكون من غرفة وحمام ومطبخ......من كتر مهو كبير

ملاحظة:اذا واحد ما بتعرفو نادى ما تهرب ركض .... اهرب مشي وسوي حالك مش سامعو....مشان دواوين الزرقاء اذا عرف انك خايف بيلحقك

هيك بنكون حكينا عن اهم احياءومعالم الزرقاءمشان ماتخافو وتصيرو تفوتو في امان.......

يسلموووووو روري

wlCz

weeeeeeewwww

صايره مثقفه يلا مش غلط بسير بسير يا روري

مشكوره على المعلومات دواويين الزرقا...!!! Icon_biggrin

يسلمووو كتير ع الموضوع الرائع وتسلمو ايديكي

اهلين لولو...هو الحكي مني ؟هههههه ولكم
ولكمم ميدووووو

يسلمو

تقبلتوو
ولكم

يسلمو

شكراااااااااا لكي ماما روري هههع
يسلمو كتير حلوووو rory يسلموو
thxxxxx

يسلمووووو
مشكووووره روري

thxxxxxx a7la mama roory